Zazaki de jü romano newe: Morıber

Zonê ma Zazaki (Kırmancki, Dımılki) de jü romano newe veciya:

Cengiz Aslan: Morıber

 

Roman 200 pelge ra ibareto. A  mıntıqa de sar çıturi qesey keno (Dêsım, Xozat, fekê aşira Qerebaliyu), heni amo nuştene, fek nêvurna.

Kıtab na lınge Almanya de 100 tene vet, hama welatê Anadoliye de ki wazenime vecime.

 

İyê ke kıtabi wazenê, şikinê ma ra bıwazê. Nırğê / fiatê kıtabi 10 €o.

adresê waştene:

This email address is being protected from spambots. You need JavaScript enabled to view it.

This email address is being protected from spambots. You need JavaScript enabled to view it.

 

wes u war bımanê,

Mesut Keskin

 

Roman sero:

Dewa Xozati Tawuxı dı azebonê dewı ra Ekber teber ra mektebı waneno, a serrı rüyê siyaseti ra êno dewı dı mano. Ekber kokımonê dewı ra, jü mordemo kı destê xo malê dina ra onto, Sey Bali dı benê zê iqrari. Hurdımêna kı resenê pê, rocon’a, asmon’a qeşi kenê, ebı ni qeşiyon’a kunê jü dina ğeyalı, na ğeyaliye dı benê vindi.

Hatê bini ra ki zerria Ekberi kênekonê dewı ra kuna kêneka en rındekı Altunı. Ekber hatê ra kı  zerria xuya belı dest dı bela kuyo ki, hatê bini ra ki serê her gamı xo erceno kê Sey Bali, nani dewı dı weşiya xo ramınê, sonê.

Rocê dewıci ko dı rastê jü morê gırşi ênê. Owo kı koli, velg, vasê dewıco ko raê, na rü ra dewı bêvengiye ra reyina ra, ko dewıco rê beno ters, tertelı kuno mıleti. Mor dewıco nêverdano ko, dewıci vênê, nêvênê, sonê hukmat, ordiyê hukmati êno, ko dı gêreno cı, mori nêvênê.

Kokımê dewı xebera xo kenê jü, sonê döwrêşi, sonê Ana, vanê ‘derdê ma rê derman beki Ana bıvêno’. Ana kuna tewt, remil ercena. Kokımi lewê Ana ra kı gêrenê ya, daina tersenê...

Sırro kı Ana kokımo rê vati bı, çık bi?

Ê ni sırri elaqedarê xo Ekberi bı hezkerdoğa xo Altunı rê çık bi?

 

NUSKAR:

Cengiz Aslan serra 1971inı dı Dêsım, dewa Xozati Tawuxı dı ama dina. Hata vist serrı weşiya xo dewı dı ramıtı. Bado şi şüka Qeyseriye. Serra 1994inı şi  Elemon (Almanya). İltıca xo kı qebul biye, şi şüka Frankfurti, hona weşiya xo ica dı ramıno. Nuskari jüanê ma o piyê xo dı ebı seyirê Kırmancki (Zazaki) nusnainı rê sıftı kerd, taê seyirê xo (şiir, kılami) pêseroka (dergiya) Ware u Mirazi de veciyay. No kıtab ‘Morıber’ kıtabê xuyo verêno.

 

Diyaena qapağê kıtabi rê bıtıknên

© www.zazaki.de (Asmêno Bêwayir & Hesenê Reqasa) E-Mail: keywa@zazaki.de
Layout: Umut Akkoç

Please publish modules in offcanvas position.